Рускиот претседател Владимир Путин одржа билатерални средби со лидерите на земјите членки на АСЕАН на маргините на самитот Русија–АСЕАН што се одржува во Казан. Во разговорот со тајландскиот премиер, Путин го поздрави растот на трговската размена меѓу двете земји и ги истакна можностите за соработка во енергетиката, транспортот, логистиката и инвестициите.

На средбата со премиерот на Сингапур, беше нагласена поддршката на Русија за АСЕАН, додека виетнамскиот премиер ја потврди стратешката соработка меѓу Москва и Ханој. Путин го опиша Виетнам како долгогодишен и сигурен партнер, со кој Русија има традиционално блиски односи.

Лидерите на Лаос, Источен Тимор и Камбоџа, исто така, разговараа со рускиот претседател за продлабочување на економската и политичката соработка. Дводневниот самит, кој се одржува по повод 35-годишнината од односите меѓу Русија и АСЕАН, е посветен на проширување на стратешкото партнерство меѓу Русија и земјите од Југоисточна Азија.