Во 2024 година е зголемен процентот на деца во ризик за 3 проценти од претходната година и за 14 проценти во однос на две години претходно.

Кај девојчињата, овој процент е зголемен за 14 во однос на минатата година и е дури 44 проценти поголем од  2022 година, покажува извештајот на Државниот совет за превенција на малолетничко престапништво.

Зголемен е и процентот на сексуално насилство, а само во три градови има упатни центри каде жртвите можат да побараат помош.

Ова, за пратениците е сериозен сигнал дека нешто мора да се преземе.

Се бараат измени на Законот за локална самоуправа за да се олесни превенцијата на локално ниво, а градоначалниците да формираат општински совети и меѓуресорски протокол за деца жртви.

Особено е лоша состојбата во детскиот поправен дом во Волковија, тетовско.