Постои „реална шанса“ да се постигне договор со Хамас за ослободување на заложниците што групата ги држи во Појасот Газа од 7 октомври, вели член од израелскиот преговарачки тим, откако израелскиот премиер, Бенјамин Нетанјаху, одлучи да испрати делегација на нова рунда преговори.

Предлогот што го изнесе Хамас вклучува многу значаен напредок, рече изворот, откако палестинската милитантна група преку посредник му испрати на Израел ревидиран нацрт-договор за ослободување на заложниците и прекин на огнот во Појасот Газа.

Нетанјаху вчера свика состанок на кабинетот за национална безбедност за да се утврди позицијата на Израел во индиректните разговори, кои се очекува да започнат во наредните денови.

Израелскиот министер за одбрана, Јоав Галант, истовремено, на семејствата на заложниците кои ги држи Хамас им соопшти дека Израел е „поблиску од кога било“ до постигнување договор за нивно ослободување.