Денеска ќе се знае колку поскапа струја ќе плаќаат граѓаните од први јули. Наместо една просечна како до сега, РКЕ ќе објави четири цени за секој тарифен блок посебно.

Според информациите поскапување на цената на потрошените киловат часови ќе има во секој блок, но најголемо зголемување од дури 140 проценти се очекува да добијат домаќинствата кои според потрошувачката влегуваат во четвртиот  блок.  Можно е да има поскапување и на евтината струја која граѓаните најповеќе ја користат. Претходно сите енергетски  компании пријавија зголемени трошоци и побараа поскпување  на својата услуга и тоа  од 60 до 80 проценти. ЕСМ пак својата електрична енергија на Универзалниот снабдувач му ја понуди по цена за 17 отсто повисока од сегашната. Односно 48 евра за еден мегават час. Новите цени кои ќе ги донесе РКЕ, ќе важат во наредните шест месеци.