Државниот завод за ревизија изврши контрола на финансиските извештаи на политичките партии за 2024 година, со ревизија на сметките за редовно работење и усогласеност со законската регулатива.

Кај ВМРО‑ДПМНЕ, Социјалдемократскиот сојуз на Македонија и Демократската унија за интеграција, ревизорите изразија мислење со резерва за вистинитоста и објективноста на финансиските извештаи.

Главните забелешки се однесуваат на структурата на приходи и расходи, неизмирени обврски кон добавувачи, неправилно водење на сметководството и уплата на членарина над законскиот лимит.

Некои препораки од минатите ревизии се уште се во процес на спроведување, поради судски постапки или нерешен сопственички статус на имот.

Државниот завод за ревизија повторно апелира до надлежните органи за подобрување на законската регулатива, вклучително појасни правила за финансирање на изборни кампањи, евиденција на членарини и сметководство на непрофитни организации.

Б.С.