Легендарниот пејач Род Стјуарт отворено зборува против руската инвазија на Украина – но публиката на неговиот концерт во Германија минатата недела не сакаше да го слушне тоа.

Како што пишува „Еуроњуз“, Род Стјуарт бил исвиркан од толпата на концертот во Лајпциг одржан во петокот, кога ја изразил својата поддршка за Украина.

Исвиркувањето  започнало кога британскиот поп пејач го поздрави украинскиот претседател Володимир Зеленски, со слики од украинското знаме, уништување во Украина, песна посветена на Киев  и самиот Зеленски што се појави на екранот зад Стјуарт.

„Скај њуз“ наведува дека 79-годишниот пејач бил пречекан со гласни извици и свирежи од публиката во арената „Картербек Имобилиен“ во Лајпциг пред да ја изведе песната , која ја нарекува воена песна и  му ја посветува на Киев на неговите настапи .