Судот во Москва притвори уште еден американски државјанин, откако царинските службеници, наводно, пронашле мармалад со канабис во неговиот багаж.

Апсењето доаѓа по само неколку дена од размената на затвореници меѓу Москва и Вашингтон, која Белата куќа ја нарече дипломатско затоплување и чекор кон ставање крај на борбите во Украина.

Московскиот суд за општа јурисдикција денеска објави во соопштение на Телеграм дека на мажот идентификуван како Кејлеб Вејн Бајерс му е одреден 30-дневен притвор во очекување на истрага поради сомневање за шверц на дрога.

Доколку биде прогласен за виновен, ќе се соочи со казна затвор до седум години.

Агенцијата Интерфакс објави дека Американецот бил приведен на московскиот аеродром Внуково откако летал од Истанбул минатиот петок.

Засега нема коментар од американскиот Стејт департмент.

Во размената на затвореници Вашингтон-Москва овој месец, Александар Виник, руски експерт за криптовалути, кој се соочи со обвиненија за измама со биткоин во Соединетите држави, се врати во Русија откако беше ослободен и разменет за Американецот Марк Фогел, наставник од Пенсилванија, кој беше приведен во 2021 година кога патувал во Русија да работи во училиште.

Фогел отслужуваше 14-годишна затворска казна затоа што со, како што рекоа неговото семејство и поддржувачи, имал марихуана која ја поседувал со медицински белешка.