Генералниот секретар на НАТО, Марк Руте, ги повика земјите членки да ги зголемат набавките на американско оружје за Украина.
На состанокот на Контакт групата за одбрана на Украина, тој истакна дека оваа мерка ќе овозможи зголемување на воените трошоци, проширување на производството и поддршка на Украина – три цели утврдени на самитот на НАТО во Хаг.
Повикот доаѓа по заедничката иницијатива на Руте и американскиот претседател Доналд Трамп, според која САД повеќе нема да испорачуваат оружје бесплатно, туку финансирањето ќе го преземат европските земји и Канада.
На состанокот учествуваа министри за одбрана од над 50 земји, меѓу кои и новиот украински министер за одбрана Денис Шмихал.
