САД и Кина постигнаа рамковен договор за решавање на трговскиот спор по дводневните преговори во Лондон. Американскиот министер за трговија Хауард Лутник изјави дека е постигната согласност за „општа рамка“ која ќе го спроведе Женевскиот консензус и ќе овозможи директен разговор меѓу претседателите на двете земји.

Договорот е важен чекор кон деескалација на тензиите во трговските односи, особено во делот на царините и ограничувањата на извозот.

Преговорите се одвиваат во време на 90-дневна пауза во царинскиот спор, кога двете страни се обврзаа да ги намалат увозните царини за 115 проценти. Особено внимание се посвети на ограничувањата на извозот на ретки метали од Кина и на забраните за извоз на американски софтвер за чипови и авионски компоненти.

Кинескиот заменик-министер за трговија Ли Ченганг го опиша преговорите како „многу професионални и отворени“ и изрази надеж дека договорот ќе ја зајакне довербата меѓу двете земји.