Пентагон денеска објави дека ќе испрати противракетен одбранбен систем „THAAD“ во Израел, како одговор на неодамнешните ракетни напади од Иран.

Секретарот за одбрана Лојд Остин овласти распоредување на системот и тим од американски воен персонал за поддршка на израелската противвоздушна одбрана.

Според портпаролот на Пентагон, Пет Рајдер, информира дека овој потег е дел од напорите за зајакнување на безбедноста на Израел во услови на растечка тензија во регионот.

Израелските власти со загриженост реагираа на иранските напади, нагласувајќи дека е неопходно да се засили способноста за одбрана.

Распоредувањето на „THAAD“ е значаен чекор во тој правец, бидејќи системот е способен да пресретне балистички ракети со краток и среден дострел.

Ситуацијата во регионот останува напната, а експертите предупредуваат на можни последици за безбедносната слика на Блискиот Исток.

Пратениците и воените аналитичари ќе ја следат реакцијата на Иран, кој веќе изрази противење на распоредувањето на американските сили во регионот.