Загрижува омразата на Мицкоски кон семејствата на повредените и загинатите во трагедијата во Кочани, пишуваат од СДСМ по говорот на Мицкоски.

Сериозно загрижува нервозата на претседателот на Владата Христијан Мицкоски кој од прославата на младинската организација на неговата партија, на висок тон, видно гневен, продолжи да ги навредува луѓето и родителите кои секоја сабота мирно маршираат во Кочани барајќи правда за своите деца и помош за повредените.

Овој наратив на Мицкоски сериозно загрижува, особено поради фактот што на овој начин се повикува на јавен линч на родителите на загинатите и повредените и нивните семејства, пишува во соопштението на СДСМ.