Спасувачките операции се во тек на местото на несреќата, во градот Кров во Мозел, на околу 100 километри западно од Франкфурт.

Едно лице е пронајдено мртво, а осум се заробени под урнатините откако синоќа делумно се урна хотел во германската покраина Рајнланд-Пфалц, соопшти полицијата.

– Меѓу заробените, некои се тешко повредени. Неколку лица успеаја сами да ја напуштат зградата и за нив се грижат службите за итна помош“, се вели во соопштението на надлежните.

Фотографиите од местото на настанот покажуваат дека делови од катната зграда се урнати, а на земјата има остатоци од бетон.

Јавната мрежа „SWR“ извести дека пожарникарите на почетокот не можеле да влезат во зградата поради опасност од целосно уривање на објектот.

Соседните згради се евакуирани, а засега се уште не е јасно што ја предизвикало несреќата.