Канцеларот на Германија, Олаф Шолц изрази подготвеност да седне и да разговара за мирно решавање на ситуацијата во Украина со претседателот на Русија, Владимир Путин.

Тој пред Бундестагот се заложи за одржување на мировна конференција за Украина на која би учествувала Русија. Шолц наведе дека постојат јасни принципи во мировните напори, особено дека сите можни одлуки не можат да се носат „зад грбот на Украина и без координација со партнерите“.

Војната во Украина беснее веќе три години, и нема показатели дека наскоро би можела да заврши. На Украина и се заканува трета тешка зима, пред се поради разрушената енергетска инфраструктура од жестоките бомбардирања на Русија.