Претседателката Гордана Сиљановска-Давкова вчеравечер присуствуваше на приемот што го организираше претседателот на Република Турција, Реџеп Таип Ердоган, во пресрет на Самитот на НАТО, кој се одржува во Анкара.

Како што објави на својот „Фејсбук“ профил, на приемот со шефови на држави и влади размениле мислења за натамошното обликување на евроатлантската безбедносна архитектура, јакнењето на колективната одбрана и зацврстувањето на трансатлантското единство.

„Во духот на сојузништвото и меѓусебната почит, со шефовите на држави и влади разменивме мислења за натамошното обликување на евроатлантската безбедносна архитектура, јакнењето на колективната одбрана и зацврстувањето на трансатлантското единство“, напиша Сиљановска-Давкова.

Таа изрази уверување дека со политичка мудрост, заемна доверба и цврста посветеност, сојузниците можат да креираат решенија во служба на мирот, стабилноста и безбедноста.