Што точно се случувало на 6 февруари, како бил изведен хакерскиот напад кој 14 дена го блокираше работењето на една од клучните државни институции Фондот за здравствено осигурување, до какви информации имале пристап хакерите, останува непознато и по долгоочекувата прес конференција на еден од директорите Магдалена Филиповска Грашковска, која се повика на истрагата на Обвинителството и поради тоа не сподели многу детали.

Вториот директор Фатон Ахмети одлучи во екот на најголемата криза од постоењето на ФЗО да не го прекине својот одмор во Америка, и да не се појави пред домашната јавност.

Кој го извршил нападот информации нема, а Грашковска е децидна миграција на податоци не се вршела и заштитата односно „фајерволот“ не бил исклучен.

Иако на прес конференцијата немаше ИТ експерт од Фондот, Грашковска е децидна, непречен пристап до информациите на граѓаните имале и имаат во моментов, тие не се манипулирани а нападнати биле апликациите.

Откако ќе се стабилизира системот на ФЗО, ќе почне преносот на податоци на клауд, што е далеку побезбедна опција, и ќе се направи уште еден бекап на сите податоци за да се минимизира опасноста при нов евентуален напад.

По 14 дена хаос во пружањето на здравстени услуги на граѓаните и осигурениците состојбата полека се нормализира, платите на вработените во здравство се исплатени како и надоместоците за граѓаните и обврските кон болниците и добавувачите.

Огнен Чанчаревиќ