Скендер Реџепи од Народното движење ќе се кандидира за градоначалник на Скопје. Лидерот на ДУИ, Али Ахмети на Фејсбук ја објави неговата кандидатура за која напиша дека претставува не само единство на прогресивните сили на Албанците во Македонија, туку и јасна алтернатива на Скопје, град кој заслужува еднаков развој.

„Реџепи дипломирал на Филозофскиот факултет, поседува долго и докажано искуство во граѓанскиот сектор и граѓанското општество. Сега е пратеник во собранието, каде е глас на граѓаните, бранител на нивните права и застапник на длабоките политички и социјални реформи, пишува во објавата Ахмети.

Скендер Реџепи за противкандидати ќе ги има Каја Шукова од СДСМ и Орце Ѓорѓиевски од ВМРО-ДПМНЕ.

Локалните избори треба да бидат распишани до крајот на неделава, а најверојатно ќе се одржат на 19 октомври.