Со македонскиот шпионски софтвер „Предатор“, создаден од македонско-израелската фирма „Сајтрокс“ Виетнам се обидел да хакира американски функционери и аналитичар на Си-Ен-Ен. Фирмата „Сајтрокс“ е на црната листа на САД, токму поради производството на овој софтвер.

Вашингтон пост пишува дека агенти на владата на Виетнам се обиделе да го инсталираат шпионскиот софтвер „Предатор“ на телефоните на членови на Конгресот на САД, на телефоните на американски политички експерти и американски новинари. Откако ќе биде инсталиран на телефонот „Предатор“ му овозможува на тој што следи, да има пристап буквално до сите содржини и апликации во мобилниот.