Српската Влада ја продолжи привремената забрана за извоз на млеко и млечни производи до 30 ноември, со исклучок на извозот во Северна Македонија и во Албанија, јави дописникот на МИА од Белград.

Владината забрана, како што е објавено во Службен весник, се однесува за извоз на повеќе видови на млеко, како и масло во амбалажа од над еден килограм.

Забраната не се однесува на извоз на стоки за кои царинскиот орган ја има прифатено извозната декларација пред да стапи во сила одлуката.

На почетокот на септември српската влада воведе привремена забрана за извоз со цел да се спречи критичен недостиг на овие намирници.