Стејт департментот соопшти дека одобрил 30 милиони долари за приватна организација која обезбедува хуманитарна помош за Газа, но која во исто време беше критикувана од Обединетите нации и останатите хуманитарни организации.

Критиките се однесуваат на обидите на Хуманитарниот фонд за Газа да изгради паралелен систем за достава на хуманитарна помош, и покрај тоа што таков веќе постои и со децении функционира.

САД сметаат дека традиционалните канали преку кои се испраќа помош во Газа се компромитирани од Хамас и затоа се потребни нови.