Стотици жители во Тел Авив ги претворија новите подземни железнички станици во импровизирани засолништа од иранските ракетни напади. Секоја вечер, по зајдисонце, луѓето пристигнуваат со душеци, вреќи за спиење, нешто за јадење, таблети полни со филмови – дури и домашни миленици.

Само во една станица на границата меѓу Тел Авив и Рамат Ган се собираат околу 200 лица. Некои од нив дури се запознаваат и си ги делат ќошињата како соседи. Изминатата недела, во иранските ракетни напади убиени се 24 лица, а ранети се стотици.

Во израелските напади врз Иран, пак според „Хјуман Рајтс Активистс“ загинале 639, а над 1.300 се ранети, меѓу кои 263 цивили и 154 припадници на безбедносните сили.