Законот е прв чекор но независноста на судството зависи пред се од интегритетот на судиите, смета академик Владо Камбовски.

Професори, судии,  претставници на судскиот совет денеска ги кажуваа своите забелешки за предлог законот за судски совет на научно стручна расправа, организирана од Здружението за кривично право и криминологија и Центарот за стратегиски истражувања при МАНУ.

Сите заклучоци за унапредување на текстот на Законот ќе бидат доставени на ЕНЕР (Електронски национален регистар на прописи ), информираа организаторите.

Законот за судски совет испратен е и на мислење во Венецијанската комисија. Според реформската агенда треба да биде донесен на крајот на јуни а засега се уште не поминал на Влада.