Израелскиот премиер Бенјамин Нетанјаху тврди дека Израел „не е во постојана состојба на војна“ и нагласи дека односите со американскиот претседател Доналд Трамп остануваат силни, и покрај повремените несогласувања.

Во интервју за „Фокс њуз“, Нетанјаху рече дека во 99 проценти од случаите тој и Трамп имаат заеднички ставови, а разликите во мислењата ги решаваат преку отворен дијалог.

Според него, таквите несогласувања се нормални во блиски партнерства. Неговите изјави доаѓаат во време кога се забележуваат разлики меѓу Вашингтон и Тел Авив околу привремениот договор меѓу САД и Иран за запирање на конфликтот меѓу двете земји.