Лидерите на земјите од Западен Балкан заедно со високи преставници на Европската Унија, денеска се во Тиват, Црна Гора, каде се одржува Самитот ЕУ-Западен Балкан. Од Македонија учествува премиерот Христијан Мицкоски и министерот за надворешни работи Тимчо Муцински.

Според најавите Германскиот канцелар Фридрих Мерц и Францускиот претседател Емануел Макрон планираат на Самитот ЕУ – Западен Балкан и Молдавија да презентираат нова иницијатива со која ќе се забрза интеграцијата на земјите кандидатки од Западен Балкан во ЕУ. Во заеднички документ владата на Берлин и на Париз се залагаат за први чекори во интеграцијата и пред полноправно членство, со цел да се забрза процесот на интеграција. Од Тиват за Телма известува Марија Дивитарова.