Американскиот сенатор Берни Сандерс го обвини претседателот Доналд Трамп и неговите сојузници дека се ставаат на страната на рускиот претседател Владимир Путин, предупредувајќи дека таквиот сојуз претставува закана за демократските вредности и меѓународните сојузи.

„Трамп и неговите американски олигарси сега отворено се приклучуваат на Путин и неговите руски олигарси“, напиша Сандерс на платформата Икс. „Овој сојуз значи напуштање на нашите сојузници, поддршка за авторитаризмот и поткопување на нашата демократска традиција.“

Сандерс го обвини Трамп дека „застана на страната на еден од најбруталните светски диктатори, ја загрози независноста на Украина и ги напушти европските сојузници со децениска традиција“.

Дополнително, сенаторот од Вермонт кој лани на избори го доби  4-тиот шестгодишен мандат во Сенатот на САД во интервју за CNN посочи дека кратењето на средствата од социјалните и здравствените фондови како Медикејд најмногу ќе влијае на животот и здравствените услуги на сиромашните американци и работничката класа во САД.

Преку тие скратени суми ќе се дадат нови даночни олеснувања за најбогатите кои дополнително ќе се збогатат, предупредува Сандерс.

At the end of the day, it’s very simple:

Trump and his oligarch friends want to cut programs that working class people rely on, and give huge tax breaks to the very rich.

The American people have to stop them. pic.twitter.com/1tOXgoZqdy

— Bernie Sanders (@BernieSanders) February 19, 2025