Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во странство и кај нас се лекуваат уште 100 пациенти. Министерот за здравство Арбен Таравари утрово соопшти  дека само тројца пациенти се во критична состојба.

Во Македонија се лекуваат 20 пациенти, од кои на Клинички центар петмина, во Стара градска седум пациенти, пет во ГОБ 8 Септември и тројца во приватните болници. Надвор од државата се лекуваат 80 пациенти, од кои денес двајца се враќаат во државата. Најавено е враќање на повеќе пациенти во текот на неделата.

Министерот додаде дека катастрофалниот настан во Кочани ги погодил сите, не само како институции туку и како луѓе.