Аеродромот во Хамбург е блокиран за сообраќај, откако вооружен маж наводно киднапирал дете и со возило ја пробил бариерата до пистата. Портпаролот нја полицијата соопшти дека се ангажирани психолози кои разговараат со киднаперот.

„Синоќа околу 20 часот напаѓачот со својот автомобил минал низ влезот на аеродромот и стигнал до пистата. Тој притоа испукал два куршума во воздух и фрлил две запалени шишиња“, соопшти полицијата.

Според полициски извори, се верува дека инцидентот е последица на „спор околу старателство врз детето“, бидејќи сопругата на напаѓачот ја известила полицијата за киднапирањето.

Поради инцидентот, 17 авиони кои вчера требаше да слетаат во Хамбург, биле пренасочени кон други аеродроми.