Министерот за внатрешни работи Панче Тошковски информираше дека случајот со врсничко насилство во скопската општина Ѓорче Петров е во тек на истрага што се спроведува во координација со Јавното обвинителство.

Досега на разговор се повикани 14 лица, а за дел од нив ќе следуваат соодветни процесни дејствија.

Поради тоа што се работи за малолетници, надлежните постапуваат со зголемена внимателност и со ограничено споделување информации во јавноста.

Министерот нагласи дека институциите сериозно пристапуваат кон расчистување на случајот.

Тошковски истакна дека врсничкото насилство е сериозен општествен проблем, за чие решавање е потребен заеднички пристап.

Тој повика на поголема вклученост на родителите, училиштата и институциите со цел превенција и спречување на вакви појави во иднина.

Понижувана, физички нападната и горена со цигара од нејзини соученички – дел од насилството снимено и со мобилен телефон