Американскиот претседател Доналд Трамп ги искористи зборовите на Наполеон Бонапарта во својата најнова објава на неговата социјална мрежа „Truth Social“, пишувајќи „Оној кој ја спасува својата земја не прекршува ниту еден закон“.

Трамп на тој начин го повтори својот отпор кон обидите да се ограничат неговите извршни овластувања во повеќе судови, јавија американските медиуми.

Белата куќа се уште не ја коментираше новата објава на претседателот.