Тројца планинари од Летонија го загубија животот по пад во близина на опасен превој на планината МекКинли во Алјаска, додека четвртиот член на експедицијата е спасен, соопштија американски претставници.

Летонска планинарска група соопшти дека тројца членови на експедицијата загинале, откако паднале додека се искачувале во близина на превојот Денали до највисокиот врв во Северна Америка, додека четвртиот член на тимот е спасен и пренесен во болница.

Според американската Национална служба за паркови, планинарите биле дел од седумчлена летонска експедиција која ја минувала рутата Вест Батерс, позната по своите стрмни, замрзнати делови.