Шкендија ќе треба да плати 20.000 евра за транспарентите со неспортска содржина што ги истакнаа нејзините навивачи во мечот од второто коло во групната фаза на Конференциската лига против ирски Шелбурн. Ова е казната што попладнево ја изрече Европската фудбалска асоцијација (УЕФА) за тетовските „црвено-црни“.

Покрај паричната казна, од Нион и предупредување за делумно затворање на стадионот на натпреварите на Шкендија на домашен терен. Ова, сепак, е условна, и ќе стапи на сила доколку во следните две години се повторат слични прекршувања на регулативите и етичките норми на УЕФА.

Клубот од Тетово попладнево соопшти дека го примил решението на дисциплинското, етичко и контролно тело на УЕФА, во врска со истакнувањето транспаренти кои, според проценките на европската куќа на фудбалот, не биле во согласност со спортскиот дух.

С.Д.