На Украина и треба секаква предност што може да ја добие за да ја одбие Русија од нејзините намери да ја окупира украинската територи.

Светла точка е малата, но брзорастечка одбранбена индустрија на Киев, која владата ја преплавува со пари со надеж дека напливот од домашно оружје и муниција може да помогне да се сврти текот на војната.

Напорите нагло се зголемија во текот на изминатата година, бидејќи САД стагнираа со испораака на оружје и друга помош за земјата која се бори со многу поголема војска поддржана од просперитетна домашна одбранбена индустрија.

Украинската влада буџетираше речиси 1,4 милијарди долари во 2024 година за купување и развој на оружје дома – 20 пати повеќе отколку пред целосната инвазија на Русија.

Огромен дел од оружјето сега се купува од фабрики во приватна сопственост.

Тие никнуваат низ целата земја и брзо ја преземаат индустријата во која со децении доминираа државните компании.

Сепак, како и многу аспекти на воениот апарат на Украина, нејзиниот одбранбен сектор е ограничен од недостаток на пари и работна сила – и, според дел од експертите преголема владина бирократија.