Во следните два месеца, пациентите што ќе имаат потреба од ургентна лекарска услуга наместо на Ургентниот центар ќе ја добиваат на други клиники, бидејќи оваа клиника започна со реновирање што ќе трае месец до два. Хируршкото одделение ќе функционира, но со намален број на дежурни лекари.

Во случај на зголемен број пациенти за време на реконструкцијата во ургентниот центар, предвидено е сите итни пациенти од Скопје да бидат згрижени во градската општа болница „8 септември“, додека пациентите од другите градови ќе ја добијат соодветната здравствена услуга – хируршки третман во специјалната болница за хируршки болести „Свети Наум Охридски“ или старата градска болница.