Претседателот на САД, Доналд Трамп денеска изјави дека се сомнева оти неговиот руски колега Владимир Путин сака да ја заврши војната во Украина. Тој изрази сомнеж дека наскоро ќе се постигне мировен договор, иако вчера порача дека Киев и Москва се блиску до такво нешто.

По враќање во САД од погребот на папата Франциск, Трамп на социјалните мрежи напиша оти „немало причина за Путин да истрелува проектили во цивилни подрачја, градови и места во последните неколку денови“. Тој, исто така, најави нови санкции за Русија.