Момче на возраст од 23 години го загубил животот во денешната сообраќајна несреќа во Сараево, кога трамвај излетал од шините.

Уште четири лица се повредени во трагичниот случај, а медиумите во Босна и Херцеговина пренесуваат дека на една 17-годишна девојка ѝ била ампутирана ногата заради здобиените повреди.

Од обвинителството во кантонот Сараево беше соопштено дека увидот за причините на несреќата која се случила во општината Центар го водат двајца обвинители, со помош на експерти кои ќе ги спроведат потребните вештачења со цел да бидат утврдени причините кои ја предизвикале трагичната несреќа.

Според снимката која ја објави порталот Дневни Аваз, трамвајот со очигледно преголема брзина влегува во кривина и излетува од шините.

Дали станува збор за човечка грешка или механички дефект, ќе треба да утврди истрагата.