Додека светскиот фокус е насочен кон Катар и натпреварите на Светското фудбалско првенство, во многу земји во тек се мечеви во пониските рангови, а немили сцени доаѓаат од турската второлигашка сцена.

Се случија во мечот меѓу Гозтепе и Алтај кој беше прекинат по само 20 минути игра, по нередите кои ги предизвикаа домашните навивачи.

Во хаосот се повредени неколку домашни навивачи и голманот на Алтај. Тој беше мета на домашен навивач, кој влезе во теренот го зграпчи стапот на корнер знамето и неколку пати го удри по глава и во грбот, гостинскиот голман.

Набрзо на помош ми притрчаа неговите соиграчи. Хулиганот беше совладан и приведен, а голманот превезен во болница со повреди на главата. Играчите на двете екипи и судиите се повлекоа во соблекувалните и натпреварот, по подолга пауза поради консултации, беше прекинат.

Goztepe vs Altay in Turkey was interrupted after a fan attacked the Altay goalkeeper with the corner flag… 😧pic.twitter.com/ylfsSKmrxM

— SPORTbible (@sportbible) November 27, 2022