Јужна Кореја ја вознемири меѓународната јавност. Претседателот Јоон Сук Јеол, најпрво прогласи воена состојба во земјата, па неколку часа подоцна поведе постапка за нејзино укинување. Одлуката за прогласување на воена состојба ја образложи со „запирање на антидржавни сили“, но пратениците го отфрлија таквиот Декрет, додека демонстранти се собираа пред зградата на парламентот во најголемата политичка криза во Јужна Кореја во последните децении.
Police have been deployed at the entrance to the National Assembly Building in Seoul, following South Korean President Yoon Suk Yeol having declared Martial Law. pic.twitter.com/El0halVKHK
— OSINTdefender (@sentdefender) December 3, 2024
Протестите пред јужнокорејскиот парламент продолжија и по укинување на воената состојба, со барање на граѓаните за апсење на Јоон Сук Јеол. Низ земјата, сепак, владее изненадувачка нормалност по турбулентната вечер и ноќ. Училиштата се отворени, како и државните служби, судовите и банките.
⚡️🇰🇷 People in South Korea have taken to the streets to protest against the declaration of martial law. pic.twitter.com/Z90rLHTany
— सिद्धार्थ कूकना (@sidkukna) December 3, 2024
Генералниот секретар на собранието на Јужна Кореја вети правна одговорност за припадниците на армијата за „сите физички и незаконски дела“ што се сторени за „краткотрајната вонредна состојба“ што ја прогласи претседателот на државата.
People in South Korea have taken to the streets to protest against the declaration of the Martial law.
— Aman1 (@Aman14038377) December 3, 2024
Владеачката партија го повика претседателот Јоон Сук Јеол да поднесе оставка, како и целиот негов кабинет. Партиските членови воглавно се сложија за смена на владата и на министерот за одбрана, но не обезбедија консензус за исфрлање на Јеол од партијата. За денеска попладне е најавен нов состанок.
The situation in Seoul. pic.twitter.com/Kn3u27J31n
— WarTranslated (Dmitri) (@wartranslated) December 3, 2024
Северна Кореја засега молчи за превирањата во Јужна Кореја. Претседателот Јоон, во синоќешното обраќање до нацијата, јасно ја прозва Северна Кореја, истакнувајќи дека прогласувањето на вонредна состојба ја „заштитило Република Кореја од заканите на севернокорејските комунистички сили“ и „ги искоренило просеверенокорејските антидржавни сили кои ја земаат слободата и среќата на јужнокорејскиот народ“.
The military is leaving the Parliament building after the vote to lift martial law passed – YTN https://t.co/w9aSEwwRPd pic.twitter.com/UjYU1IQjOZ
— Anton Gerashchenko (@Gerashchenko_en) December 3, 2024
Јужнокорејските пратеници за денеска најавија дека ќе поднесат барање за отповикување на претседателот.
