Националната метеоролошка служба на САД соопшти дека сојузните држави Џорџија, Илиноис, Тенеси, Охајо и Кентаки биле погодени од торнадо, пренесува „Њујорк тајмс“.

Претходно, во Оклахома беше регистриран смртен случај како последица на невремето. Метеоролозите најавија можност за неколку торнада, проследени со силни ветрови кои би можеле да достигнат ниво на ураган.

Околу 255.000 луѓе останаа без струја од кои најголем дел во западна Вирџинија. Торнадото урна повеќе стебла и далекуводи во Конјерс во Џорџија.