Попладнево (18 часот) беше осветлена елката на плоштадот во Скопје и отворен божиќниот маркет, со што започна празничната програма „Скопје – новогодишна зимска бајка“ која ќе трае до 31 декември.

На настанот, пред палењето на светилките на елката чие копче симболично го притисна градоначалникот Орце Ѓорѓиевски, настапи хор од деца од скопските училишта со изведба на празнични песни, а публиката уживаше и во балетска претстава.