Околу 20.000 лица протестираа во центарот на Софија против најавеното значително зголемување на даноците предвидено во буџетот на Бугарија за следната година. Протестот, организиран од опозициската коалиција, доаѓа во момент кога земјата се подготвува за влез во еврозоната од почетокот на 2026 година.

Демонстрантите изразија незадоволство од мерките кои предвидуваат повисоки придонеси за социјално осигурување и дуплирање на данокот на дивиденда, што според многумина ќе удри силно врз граѓаните и бизнис-заедницата.

Дел од присутните формираа и човечки синџир околу парламентот, при што се обидоа да ги блокираат возилата на пратениците, што доведе до интервенција на полицијата. Според извештаите на бугарските медиуми, кон полицајците биле фрлани шишиња и петарди, а тројца службеници се повредени.

И покрај отпорот од јавноста и предупредувањата на економистите за потенцијалните ризици, се очекува буџетот да биде усвоен, бидејќи коалициската влада располага со стабилно мнозинство во парламентот. Буџетската рамка предвидува државна потрошувачка на ниво од речиси 46% од БДП, финансирана преку повисоки даночни давачки и значително зголемување на јавниот долг.

Thousands of people surrounded the Parliament in Sofia, leaving MPs trapped inside, too afraid to come out. #Bulgaria pic.twitter.com/EnBeMMXQP8

— Antoinette Nikolova (@AntoinetteNikol) November 26, 2025

Т.Д.