Koлона автомобили со албански знамиња поминувала на патарина без да плати билет. Ваква снимка се појави на социјалните мрежи и предизвика бура на реакции, по што се огласија и од ЈПДП.

„Јавното претпријатие за државни патишта во однос на виралното видео кое што се споделува на интернет кадешто се гледа колона на возила која поминува на наплатната станица Гостивар ја известува јавноста дека веднаш по објавата на видеото директорот на ЈПДП даде итен налог за проверка. Беше испратена внатрешна контрола при што се констатира дека првото возило плаќа за возилата во колоната и дека само за неколку возила не е наплатена патарината. По целосното и детално расветлување на случајот ќе следат мерки за утврдување на одговроност на вработените и дисциплински постапки“ информираат од претпријатието.