Владата на затворена седница го именувала новиот состав на Комисијата за историски прашања со Бугарија, објавуваат дел од медиумит. Според информациите, за претседател на комисијата владата го назначила Ванчо Георгиев, професор на Филозофскиот факултет во Скопје.

Георгиев доаѓа на местото на Драги Ѓоргиев од чија работа новата Влада не беше задоволна. Георгиев беше член и во претходниот состав на комисијата, но се повлече од неа поради како што рече тогаш, притисокот што го правела тогашната Влада.

Во новиот состав на комисијата, според Нетпрес се: Александар Литовски и Митко Панов, двајцата научни соработници при Институтот за национална историја, Никола Минов, вонреден професор на Филозофскиот факултет во Скопје, Сашо Додевски, насловен доцент избран на Филозофскиот факултет во Скопје, Бесник Емини, виш научен соработник на Институтот за духовно и културно наследство на Албанците и Димитар Љоровски, научен советник при Институтот за национална историја во Скопје.