Според податоците на Министерството за здравство во моментов се сочуваме со најголем недостиг на средномедицински кадар и потреба од склучување нови договори на дело, вели Таравари. Што се однусува до вработување на приватните специјализанти систематизацијата го пролонгираше целиот процес.
- „Од вкупно 108 јавно-здравствени установи кои подготвуваа нови систематизации, 20 веќе се подготвени и можат веднаш да почнат да ги вработуваат првите 300 специјализанти, останатите ќе чекаат да дојдат новите систематизации од Министерството за администрација. Првите 20 јавно-здравствени установи кои што веќе имаат нова систематизација веднаш може да ги вработуваат“ изјави Арбен Таравари, министер за здравство.
Во реновираниот специјалистички педијатриски пункт на Бит пазар каде работат вкупно 11 педијатри ќе се лекуваат деца под 14 години, доколку некој случај е покомплициран, веднаш ќе се испраќа на Клиниката за педијатрија, вели Таравари. Според Исени сепак и понатаму во поликлиниката Бит пазар се соочуваат со дефицитарни кадри.
- „На пример имаме недостиг на невролози, дерматолози, недостиг има и во Итната медицинска помош, затоа што имаме многу мал број на екипи, но во контакт сме и со министерот и со министерството и се планираат неколку вработувања. Со тоа би се зголемил и бројот на екипите за да можеме да излеземе во пресрет на граѓаните, затоа што сега мал е бројот со кои што располагаме во моментов“ изјави Самир Исени, директор на Здравствен дом Скопје.
Во меѓувреме ќе се направат обиди да се отворат вакви педијатриски пунктови и во другите скопски поликлиники, вели министерот за здравство доколку има капацитет и минимум 6 – 7 педијатри кои се подготвени да се договорат меѓусебе да дежураат.
Нина Стефанова
