Новата српска влада ќе го вклучи и поранешниот шеф на разузнавањето Александар Вулин, кој одржуваше блиски врски со Русија и се најде под американските санкции.

САД воведоа санкции против Вулин во јули минатата година, обвинувајќи го за вмешаност во шверц на оружје и за злоупотреба на јавна функција. Вулин потоа поднесе оставка на својата функција, а неодамна прими две одликувања од Русија.

Мандатарот Милош Вучевиќ, кој е претседател на Српската напредна партија, вчера ги објави предлозите за идните членови на владата меѓу кои се најде место и за Вулин.

Опозициското Движење на слободни граѓани рече дека со ваквиот чекор Србија номинално не е на европскиот пат.

Според нив номинацијата на Вулин најавува меѓународна изолација на Србија, конфликти во регионот, врски со Русија и воведување забрани за граѓански слободи во земјата.

Министер за одбрана ќе биде Братислав Гашиќ, а Ивица Дачиќ останува на функцијата министер за надворешни работи.