Во битолските основни училишта за престојната учебна година се запишани 219 првачиња помалку од лани. Во учебната 2025/2026 година, во 12 основни училишта се запишани 548 првоодделенци, а минатата година нивниот број до октомври стигнал до 767. Според општинските власти оваа бројка не е кончена, бидејки првоодоенелнци се запишувале и на почетокот од септември.
Најмалку проодделенци има во основните училишта во руралните средини, но и во централни училишта во градот. Така, 10 првачиња се запишале во Основното училиште „Александар Турунџев“ во село Кукуречани, 24 во „Кирил и Методиј“ во центарот на Битола, а по 30 во „Ѓорѓи Сугарев“ каде претежно има ромски ученици од градот и во „Крсте Петков Мисиров“ во село Бистрица, пишува СДК. А Најмногу првачиња ќе има во училиштата кои ги опфаќаат реоните на населбите Нова Битола и Педагошка. Во Основното училиште „Климент Охридски“ запишани се 94, а во „Елпида Караманди“ 65.
Досегашните бројки покажуваат драстично намалување на бројот на првооделенци во споредба со оние од лани и преклани. Во 2024 имаше 39 првачиња помалку од 2023 година, кога до почетокот на учебната година бројката се имаше искачено на 806.
