Уште еден неуспешен обид за измените на Законот за бранители да се стават на дневен ред на Комисијата за социјална политика. Пратеничките Славјанка Петровска и Јованка Тренчевска побараа дневниот ред да се дополни со оваа точка, но претседателката Илире Даути одби.

Формално, и едните и другите се повикуваат на одредби од Деловникот. Содржински, СДСМ бара измени за правичен надоместок на жртвите од воениот конфликт во 2001 година, а Европскиот фронт и Вреди заедно апелираат ваквиот предлог да биде повлечен и доработен за да важи за сите настрадани. И овој пат, седницата на комисијата беше прекината.