Федералното затворање во САД предизвика доцнења во програмите за помош на милиони семејства кои зависат од државни средства за греење и храна. Во Мејн, каде повеќе од половина домаќинства се греат на нафта, многумина се соочуваат со студена зима – програмата за итна помош за греење е стопирана поради недостиг на федерални средства. Истовремено, суспендирањето на програмата за храна „SNAP“ погоди околу 42 милиони Американци. Малите продавници и независните синџири во Пенсилванија, пријавуваат пад на продажбата и страв од отпуштања. Според податоците, „SNAP“ корисниците минатата година потрошиле над 96 милијарди долари, најмногу во супермаркети и локални продавници. Меѓувреме, банките за храна низ земјата пријавуваат двојно зголемена побарувачка. Многу трговци, нудат бесплатни производи за семејствата погодени од кризата. Сенатот веќе изгласа закон за повторно отворање на владата и враќање на средствата за програмата за помош, но законот сè уште чека одобрување во Претставничкиот дом.