Затвореникот Д.Ф. (35) од Скопје вчера искршил стакло во Казнено-поправната установа „Идризово“, по што почнал обилно да крвари. Починал на пат кон Комплексот клиники „Мајка Тереза“.
Како што информира денеска МВР, случајот вчера, во 12:35 часот, бил пријавен во СВР Скопје од Казнено-поправната установа „Идризово“. Настанот се случил околу 12 часот во установата, во просторија за посети.
Од страна на лекар констатирана била смрт. Извршен бил увид од увидна екипа на СВР Скопје, а по наредба на јавен обвинител, телото на починатиот е предадено на обдукција.
