Украинскиот претседател Володимир Зеленски соопшти дека САД ја зголемуваат испораката на оружје за Киев.

Многу е важно што САД сега да ги зголемуваат резервите. Ова е неопходно за да се изедначи ситуацијата. Благодарен сум на нашите партнери, а темпото на снабдување треба да биде такво што ќе го забави темпото на руските напади, рече Зеленски во неговото редовно вечерно обраќање.

Украинскиот претседател истакна дека на Украина и треба повеќе оружје и силна позиција за дипломатија.

Американскиот претседател Џо Бајден претходно изјави дека му наложил на Пентагон да продолжи да ја зголемува испораката на оружје за Украина.

Тој додаде дека во последните месеци Вашингтон префрлил стотици проектили за противвоздушна одбрана, а уште повеќе се на пат за испорака.