Посилен земјотрес со интензитет од речиси 4 степени според Рихтеровата скала утрово беше почувствуван во повеќе делови од Македонија. Според првичните податоци, епицентарот се наоѓа во охридското епицентрално подрачје.

Земјотресот бил најинтензивно почувствуван во југозападниот дел од земјата, особено во Охрид, Струга и околните населени места.

Засега нема информации за причинета материјална штета или повредени лица, но земјотресот предизвика вознемиреност кај населението. Се очекуваат дополнителни информации од Сеизмолошката опсерваторија и надлежните институции во текот на денот.