Во пожарот во скопско Визбегово горат гуми, пластика, кабли и стари автомобили. Како што јавува нашиот репортер Огнен Чанчаревиќ се слушале и експлозии, најверојатно од плинските резервоари.
Противпожарните екипи со четири возила делуваат од терен , а ер трактор гасне од воздух. Направени се засеци со багери за да се спречи евентуално ширење на огнот кон околните куќи и паркираните автомобили.
Пожарот започна околу 8 часот, а во пожарна било пријавено неколку минути после девет.
Од ЦУК соопштија дека е повреден еден пожарникар.
ЦУК: 31 пожар пријавен до 7 часот, активни се седум низ земјава- започна 30-дневната кризна состојба
За време на снимањето беше нападнат еден медиумски работник, кој е пренесен во болница, а полицијата за кратко време го приведе напаѓачот.
Градоначалникот на Шуто оризари, Курто Дудуш, кој дојде на терен информираше дека фирмата АСД Метал Груп имала дозвола за работа до февруари 2025.
Огнен Чанчаревиќ се јави во живо во Вестите на Телма во 12.30
Поради непочитување наредба од службено лице, приведен е А.Н., сопственик на правното лице што управува со отпадот.
